Navegamos con M de Muller...

Este ano, no 25 de novembro navegamos con M de Muller empoderada. Queremos destacar o seu labor tanto na cultura galega como noutros eidos e nacións.  O alumnado está a levar a cabo diferentes actividades, coa colaboración do profesorado e da Biblioteca, que vos mostramos a continuación:  Santiago Rey Fariña de 2º de Bacharelato, fixo unha mostra dos seus deseños sobre mulleres empoderadas da historia como a galega María Pita ou as Sufraxistas inglesas do XIX. E o alumnado de Ciclos, co profesor Gerardo, fixo o mural que se exporá no Concello de Cambados.    O alumnado da ESO capturou moreas de peixes con versos de mulleres empoderadas, que innunda o centro de cultura, respecto e igualdade.    Tamén aproveitamos para lembrarvos que mañá, 25 N, vén Josefa Abal (da asociación Guimatur ) falarnos e facernos unha mostra da arte da elaboración de redes na nosa contorna.    Tamén contamos coa participación do alumnado de 2º de Bacharelato, quen elaboraron videopoemas de literatura de muller

  O alumnado de 4º de ESO preparou na materia de Educación Plástica, co profesor Gago, unhas pegatinas de poesía visual contra a violencia de xénero. A poesía que resultou gañadora foi a deseñada por Raquel Bea de 4º ESO D, que foi repartida entre toda a comunidade educativa. 

Esta bitácora nace co gallo dun novo proxecto para visibilizarmos o papel da muller na sociedade galega, en calquera dos ámbitos. O obxectivo é levar ás aulas a igualdade e erradicar os estereotipos de xénero. Como dicía Xohana Torres: "A que tanto novelo e tanta historia? EU TAMÉN NAVEGAR". Por iso, nós este curso Navegamos con M de muller...  Para iso, comezamos o curso celebrando o Día das Mulleres Escritoras (18 de outubro) cunha lista de lecturas de mulleres empoderadas, que xa tedes dispoñible na biblioteca do centro.  Tamén tedes á vosa disposición Una mujer, un voto , de Palmer e Mazorriaga. Este cómic chegou a nós con motivo da celebración do sufraxio feminino (1 de outubro).